Saturday, 04 July 2015 07:16

နိုင်ငံတော်အနာဂတ်နဲ့ ဖွဲ့စည်းပုံပြင်ဆင်ရေး

Written by 
Rate this item
(0 votes)

မြန်မာနိုင်ငံကဲ့သို့ အင်အားကြီးနိုင်ငံနှစ်ခုကြားတွင် တည်ရှိနေတဲ့နိုင်ငံအဖို့ ဖွဲ့စည်းပုံအခြေခံဥပဒေပါ ပုဒ်မ-၅၉(စ)က အထူးလိုအပ်ချက်တစ်ရပ် ဖြစ်နေပါတယ်။ နိုင်ငံတော်ရဲ့ အမြင့်ဆုံးပုဂ္ဂိုလ်တစ်ဦးက လူမျိုးခြားမဖြစ်သင့်ဘဲ မြန်မာနိုင်ငံသား ဟုတ်/မဟုတ်အချက်က နိုင်ငံတော်အကျိုးစီးပွားနဲ့ ဆက်စပ်လျက်ရှိပါတယ်။

 

          အချုပ်အခြာအာဏာပိုင် နိုင်ငံတစ်ခုအနေနဲ့ တိုင်းရင်းသား(၁၃၅)မျိုးထဲက နိုင်ငံတော်ကောင်းရာကောင်းကျိုးလုပ်သူ သမ္မတလုပ်နိုင်ပြီး သမ္မတဖြစ်ခွင့်ပေးထားပြီး ဖြစ်ပါတယ်။

          တစ်နိုင်ငံလုံး အမျိုးသားလုံခြုံရေးနဲ့ နိုင်ငံတော်ရေရှည်တည်တံ့ခိုင်မာပြီး အချုပ်အခြာအာဏာပိုင်ဆိုင်ရေးအတွက်  အရေးပါတဲ့ ပုဒ်မ-၅၉(စ)က ရှိသင့်ပါတယ်။

          ဇွန်(၂၃)ရက်နေ့က ပြည်ထောင်စုလွှတ်တော်မှာ ဖွဲ့စည်းပုံပြင်ဆင်ရေး ပုဒ်မ-၄၃၆(က)နဲ့ပတ်သက်ပြီး ပြည်သူ့လွှတ် တော် တပ်မတော်သားကိုယ်စားလှယ် ဗိုလ်မှူးချုပ် တင်စန်းနိုင်က မူလအတိုင်းသာထားသင့်ကြောင်း ဆွေးနွေးခဲ့ပါသည်။

          နိုင်ငံတော်က စံနစ်ဟောင်းတစ်ခုက ဒီမိုကရေစီစနစ်သို့ အသွင်ကူးပြောင်းဆဲကာလမှာ  နိုင်ငံတော် တည်ငြိမ် အေးချမ်းလုံခြုံရေးနှင့် အမျိုးသားအကျိုးစီးပွားရေး ဒီမိုကရေစီအလေ့အကျင့်များ မရင့်ကျက်သေးတဲ့အချိန် သက်တမ်း နုနယ်သေးတဲ့အချိန်ဖြစ်လို့ ပြင်ဆင်ရန်မသင့်သေးကြောင်းလည်း အကြံပြုခဲ့ပါတယ်။

          တိုင်းပြည်တည်ငြိမ်အေးချမ်းမှု အခိုင်အမာရှိချိန် အခြေအနေအားလုံးကောင်းလာတဲ့အခါကျရင် ပုဒ်မ-၄၃၆ ပြင်ဆင် ရေးက အဓိကမကျကြောင်း သိရှိလာကြမှာဖြစ်ပြီး ထပ်တလဲလဲပြင်ဆင်မှုတွေကြောင့် အခြေခံဥပဒေရဲ့အနှစ်သာရ ပျက်ယွင်း နိုင်တယ်လို့ ပြောခဲ့ပါတယ်။

          ဒါနဲ့ပတ်သက်ပြီး NLD အဖွဲ့ချုပ်ပါတီ ကိုယ်စားလှယ်ဖြစ်တဲ့ ဦးနိုင်ငံလင်းကတော့ ပုဒ်မ-၅၉(စ)နဲ့ ပုဒ်မ-၄၃၆ ကို မပြင်ဆင်ရင် လာမယ့်ရွေးကောက်ပွဲဟာ ဘယ်လိုမှလွတ်လပ်ပြီး တရားမျှတမှုမရှိနိုင်ဘူးလို့ ဝေဖန်လိုက်ပါတယ်။ ၂၀၀၈ ဖွဲ့စည်းပုံအခြေခံဥပဒေက စတင်ရေးဆွဲစဉ်ကစပြီး မူမမှန်ခဲ့ဘူးလို့ ပြောဆိုခဲ့ပါတယ်။ တပ်မတော်သားကိုယ်စားလှယ်များဟာ ရွေးကောက်ခံများမဟုတ်လို့ ဒီမိုကရေစီနဲ့မညီကြောင်း ပြင်ဆင်ရေးကို သဘောတူရာမှာလည်း ပြောင်းလဲပုံပြောင်းလဲနည်း ကွဲလွဲနေပြီးတော့ ဒီမိုကရေစီအသွင်ကူးပြောင်းရေး အဟန့်အတားဖြစ်နေလို့ ပုဒ်မ-၄၃၆(က) သော့ကိုဖွင့်မှသာ စံနှုန်းပြည့်ဝ တဲ့ ဖွဲ့စည်းပုံအခြေခံဥပဒေကို ပြင်ရမယ်လို့ ဆွေးနွေးပါတယ်။ လတ်တလောပြင်ဆင်သင့်တဲ့ ပုဒ်မ(၄)ခုကို ဆွေးနွေးခဲ့ပါတယ်။

          ပြည်ထောင်စုကြံ့ခိုင်ရေးနဲ့ ဖွံ့ဖြိုးတိုးတက်ရေးပါတီ၊ အမျိုးသားဒီမိုကရေစီအဖွဲ့ချုပ်နဲ့ လွှတ်တော်ကိုယ်စားလှယ်များ ကတော့ ဖွဲ့စည်းပုံအခြေခံဥပဒေပြင်ဆင်ရေးကို တင်ပြခဲ့ပါတယ်။ တိုင်းရင်းသားကိုယ်စားလှယ်များက ပုဒ်မ-၄၃၆ ပြင်လိုရင် ကိုယ်စားလှယ် ၂/၃ က ပြင်ဆင်ရန်သဘောတူပြီး ဆန္ဒခံယူပွဲကျင်းပကာ ဆန္ဒမဲပေးသူအားလုံးရဲ့ ထက်ဝက်ကျော်မဲနဲ့ ပြင်ဆင် ရန် တင်ပြကြပါတယ်။

          NLD က ပုဒ်မအချို့ကို ပယ်ဖျက်ပေးဖို့တောင်းဆိုပြီး ကြံ့ခိုင်ရေးနဲ့ဖွံ့ဖြိုးရေးပါတီက ဒီပုဒ်မတွေထဲက အချက်တစ်ချို့ ကို ဖြေလျော့ဖို့ဆွေးနွေးပြီး တပ်မတော်ကိုယ်စားလှယ်တွေကတော့ လုံးဝမပြင်ဖို့ ဆွေးနွေးတာဖြစ်ပါတယ်။

          ပြင်ဆင်ဖို့တင်ထားတဲ့မူကြမ်းမှာ ပုဒ်မ(၄၃)ခု ပြင်ဆင်ရန်တင်ပြထားရာမှာ ပုဒ်မ-၅၉(စ)ဟာ တစ်နိုင်ငံလုံးအတွက် ခြုံ ငုံမိသော်လည်း အကျုံးမ၀င်သူတစ်ဦးဖြစ်တဲ့ ဒေါ်အောင်ဆန်းစုကြည်က သမ္မတအဖြစ် ရွေးချယ်ခံနိုင်ခွင့် ငြိစွန်းနေတဲ့အတွက် ပယ်ဖျက်ပေးဖို့ရန်ကို ဆော်သြနေခြင်းလည်း ဖြစ်ပါတယ်။ သမ္မတမဖြစ်နိုင်ပေမဲ့ အခြားတာဝန်တစ်ခုနဲ့ နိုင်ငံ့တာဝန် ထမ်းဆောင်နိုင်တယ်ဆိုတာ သိရှိသင့်ပါတယ်။ ဒီမိုကရေစီခေါင်းဆောင်ကို သမ္မတမဖြစ်အောင် ကြိုတင်ပိတ်ပင်ထားခြင်း၊ မပြိုင်ခင်ကပင် အသာစီးရယူထားခြင်းလို့ ဝေဖန်မှုများရှိခဲ့ပါတယ်။

          နိုင်ငံရေးလေ့လာသုံးသပ်သူ ဒေါက်တာရန်မျိုးသိမ်းကတော့ ပုဒ်မ-၄၃၆ မပြင်ရင် အခြေခံဥပဒေပြင်ဆင်ရေး အကြပ် အတည်းဖြစ်မယ်၊ နိုင်ငံရေးအပြောင်းအလဲက ပုဒ်မ-၄၃၆ ပြင်ဆင်ပြီးမှ ရွေးကောက်ပွဲလုပ်ရင် မြန်မာ့ဒီမိုကရေစီ အပြောင်းအလဲအတွက် ပိုမိုကောင်းမွန်တဲ့ အနာဂတ်ကို မြင်တွေ့ရမယ်လို့ ထင်မြင်ချက်ပေးပါတယ်။

          ၈၈ ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ဦးမြအေးကတော့ ဘယ်လိုမှသုံးမရတဲ့အတွက် အမျိုးသားပြန်လည် သင့်မြတ်ရေးကိုရှေးရှုပြီး စိတ်ရှည်လက်ရှည်နဲ့ ဖွဲ့စည်းပုံကို ပြင်ဆင်သင့်ကြောင်း၊ မပြင်ခဲ့ရင် လွှတ်တော်နိုင်ငံရေး သံသယဖြစ်ပြီး လူထုက အယုံအကြည်ကင်းမဲ့မှာဖြစ်လို့ စစ်တပ်ရဲ့လွှမ်းမိုးမှုမရှိဘူးဆိုတာ ပေါ်လွင်အောင် ပြင်ရမယ်လို့ ပြောပါတယ်။

          မိမိတို့ကိုယ်စားပြုတဲ့ အဖွဲ့အစည်းအသီးသီးက မိမိတို့ယုံကြည်ရာ ဝေဖန်ချက်များပြုကြပေမယ့် ဖွဲ့စည်းပုံအခြေခံ ဥပဒေကို ပြင်ဆင်တဲ့ ဥပဒေမူကြမ်းကို လျှို့ဝှက်ဆန္ဒမဲပေးဆုံးဖြတ်မှုအရ ပုဒ်မ-၅၉(စ)ကို ၇၃၁ မဲနဲ့ ပြင်ဆင်မှုအတည်မပြုဘဲ ပုဒ်မ-၅၉(ဃ)ကိုသာ ၅၅၆ မဲနဲ့ ပြင်ဆင်ရေးဆက်လက်ဆောင်ရွက်ရန် အတည်ပြုခဲ့ပါတယ်။

          ပုဒ်မ-၄၃၆(က)၊ (ခ)၊ ၄၁၈(ခ)၊ ၆၀(ဂ) ပုဒ်မများကိုတော့ ပြင်ဆင်မှုအတည်မပြုခဲ့ကြောင်း ဆုံးဖြတ်နိုင်ခဲ့ပါတယ်။

          တရားမျှတတဲ့ရွေးကောက်ပွဲဖြစ်ဖို့ရာ ကော်မရှင်အဆင့်ဆင့်ရဲ့ ဥပဒေနည်းဥပဒေများပေါ်မှာမူတည်ပြီး ကျင်းပရန် ဆောင်ရွက်ရာမှာ တိုင်းရင်းသားပါတီများ၊ တိုင်းရင်းသားလက်နက်ကိုင်အဖွဲ့များအပြင် လက်ရှိအစိုးရနဲ့ တပ်မတော်တို့အကြား ယုံကြည်မှုတည်ဆောက်ခြင်းကနေ တစ်ဆင့်တက်ပြီး တစ်မျိုးသားလုံးနဲ့သက်ဆိုင်တဲ့ကိစ္စများကို ဆွေးနွေးဆုံးဖြတ်ခြင်းကသာ တိုင်းပြည်ရဲ့အနာဂတ်ကို လှပစေနိုင်မှာ ဖြစ်ပါတယ်။

( မောင်ငြိမ်းချမ်း )

Read 1061 times Last modified on Saturday, 04 July 2015 07:54
You are here:   HomeArticlesနိုင်ငံတော်အနာဂတ်နဲ့ ဖွဲ့စည်းပုံပြင်ဆင်ရေး