Monday, 31 August 2015 09:46

အဆင်ပြေပါစေကြောင်း ငြိမ်းချမ်းရေးဆုတောင်း

Written by 
Rate this item
(0 votes)

တစ်နိုင်ငံလုံး အတိုင်းအတာအပစ်အခတ်ရပ်စဲရေးစာချုပ် (NCA) ကိုလက်မှတ်ထိုးရန် သမ္မတဦးသိန်းစိန်က တိုင်းရင်းသားလက်နက်ကိုင်အဖွဲ့ထံသို့ ဖိတ်ခေါ်စာ ပေးပို့ခဲ့ပြီးဖြစ်ပါတယ်။

သို့သော်လည်း MNDAA (ကိုးကန့်တပ်ဖွဲ့) နဲ့ (TNLA) ပလောင် (တအာင်း) တပ်ဖွဲ့တို့အပါအ၀င် တိုင်းရင်းသားလက်နက်ကိုင် (၆) ဖွဲ့ကို လက်မှတ်ရေးထိုးရန် နောက်တစ်ဆင့်စဉ်းစားမယ်လို့ ထုတ်ပြန်ပြောထားတဲ့အတွက် အဖွဲ့ငယ်များအပေါ် လက်နက်စွန့်ရန်ဖိအားပေးကာ တိုင်းရင်းသားလက်နက်ကိုင်အင်အားစုများ အင်အားလျော့နည်းရန်ပြုလုပ်သွားမယ့်သဘောဖြစ်တယ်လို့ တိုင်းရင်းသားလက်နက်ကိုင်အဖွဲ့များက ယူဆနေကြပါတယ်။

          ထိုင်းနိုင်ငံ၊ ချင်းမိုင်မြို့မှာ (၄)ရက်ကြာပြုလုပ်ခဲ့တဲ့ တိုင်းရင်းသားလက်နက်ခေါင်းဆောင်များအစည်းအဝေးမှာ NCA အပစ်ရပ်စာချုပ်မှာ အားလုံးပါဝင်ရန် EAO ခေါ်တဲ့  Ethnic Armed Organization က သဘောတူဆုံးဖြတ်ခဲ့ကြပါတယ်။ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လိူင်ကလဲ လက်နက်စွန့်ရန် ပြောကြားခဲ့ပြီးဖြစ်ပါတယ်။

          ရန်ကုန်မြို့မှာ ပြုလုပ်ခဲ့တဲ့ (၉)ကြိမ်မြောက် NCA အပစ်ရပ်စာချုပ်ညှိနှိုင်းဆွေးနွေးပွဲမှာ Senior Delegation ခေါ် SD အဖွဲ့နဲ့ အစိုးရပြည်ထောင်စုငြိမ်းချမ်းရေးဖော်ဆောင်ရေးကော်မတီ ( UPWC)တို့ ဆွေးနွေးညှိနှိုင်းခဲ့တာ တိုင်းရင်းသား လက်နက်ကိုင်အားလုံး ပါဝင်လက်မှတ်ထိုးရေးအချက်ကလွဲလို့ စာချုပ်ပါအချက်များကို ချင်းမိုင်ထိပ်သီးအစည်းအဝေးက သဘောတူခဲ့ပြီးဖြစ်ပါတယ်။

          အဆင်ပြေရင် ရက်ချိန်းတွေသတ်မှတ်ပြီး ထိုးရန်ဖြစ်သော်လဲ ပလောင်( တအာင်း) အမျိုးသားလွတ်မြောက်ရေး တပ်မတော်(TNLA)၊  မြန်မာအမျိုးသားဒီမိုကရေစီမဟာမိတ်တပ်မတော် ( MNDAA)ကိုးကန့်တပ်ဖွဲ့၊ ရခိုင်တပ်မတော် (AA)၊ ၀အမျိုးသားအဖွဲ့ချုပ် ( WNO)၊ လားဟူဒီမိုကရက်တစ်အစည်းအရုံး (LDU)၊ ရခိုင်အမျိုးသားကောင်စီ (ANC)အဖွဲ့ (၆) ဖွဲ့ကို အစိုးရက မထည့်သေးဘဲရှိနေပြီး ( ၁၅ )ဖွဲ့သာ ဖိတ်ခေါ်ထားလို့ စက်တင်ဘာလဆန်းမှာ ထပ်မံညှိနှိုင်းရမယ့် အခြေအနေရှိပါတယ်။

          တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လိူင်နဲ့ မြန်မာနိုင်ငံစာနယ်ဇင်းကောင်စီ(ယာယီ)တို့ တွေ့ဆုံရာမှာ MNDAA (ကိုးကန့်တပ်ဖွဲ့) ၊ ရခိုင်တပ်မတော် (AA)၊ ပလောာင်(တအာင်း)လွတ်မြောက်ရေးတပ်မတော်   ( TNLA) ၃ဖွဲ့ အနေဖြင့် လက်နက်စွန့်ရန် ပြောဆိုခဲ့ပါတယ်။

          မွန်ပြည်သစ်ပါတီ၊ KIO ကချင်လွတ်မြောက်ရေးအဖွဲ့၊ KNU ကရင်အမျိုးသားအစည်းအရုံးတို့ကလည်း အားလုံးပါဝင်မှသာ လက်မှတ်ထိုးမယ်လို့ ထုတ်ပြန်ခဲ့ပါတယ်။ SD အဖွဲ့ခေါင်းဆောင် ပဒိုနော်စီဖိုးရာစိန်၊ ဒုအဖွဲ့ခေါင်းဆောင် ဒေါက်တာလဂျာ၊ ဒုအဖွဲ့ခေါင်းဆောင်(၂) ပူးဇင်ကျုံး (၃)ဦးနဲ့ တိုင်းရင်းသားလက်နက်ကိုင်အဖွဲ့ခေါင်းဆောင် (၅)ဦးအပါအ၀င် ၈ဦးနဲ့ သမ္မတဦးသိန်းစိန်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ တွေ့ဆုံမယ့် စက်တင်ဘာလ (၉) ရက်နေ့မှာ ထပ်မံညှိနှိုင်းတာ စောင့်မျှော်ရပါအုံးမယ်။

(မောင်ငြိမ်းချမ်း)

Read 796 times
You are here:   HomeArticlesအဆင်ပြေပါစေကြောင်း ငြိမ်းချမ်းရေးဆုတောင်း