Friday, 28 August 2015 07:55

တိုက်စစ်မှူးနေမာအား စာချုပ်သက်တမ်းတိုးရန် ဘာစီလိုနာ ကမ်းလှမ်း

Written by 
Rate this item
(0 votes)

စပိန်ထိပ်သီး ဘာစီလိုနာအသင်း တာဝန်ရှိသူများသည် အသင်း၏ အဓိက တိုက်စစ်မှူးတစ်ဦးဖြစ်သည့် နေမာအား အသင်းတွင် ဆက်ရှိနေစေရန်အတွက် သက်တမ်းတိုးစာချုပ်ချုပ်ဆိုရန် ကမ်းလှမ်းခဲ့ကြောင်း မီဒီယာများမှ ဖော်ပြခဲ့ကြသည်။ အသင်းအနေဖြင့် နေမာအား ပေါင် ၁၈၂ သန်းတန် ငါးနှစ်စာချုပ်သစ် ထပ်မံချုပ် ဆိုရန် ကမ်းလှမ်းခဲ့ခြင်းဖြစ်သည်။

 

ဘာစီလိုနာအသင်းတွင်၂ဝ၁၈ အထိ စာချုပ်သက်တမ်းရှိနေခဲ့သည့် နေမာအား အသင်းတာဝန်ရှိသူ များအနေဖြင့် ၂ဝ၂၁ အထိ အသင်းတွင် မက်ဆီနှင့်အတူဆက်ရှိနေရန် ဆန္ဒရှိနေခဲ့ပြီး ယခုကဲ့သို့ စာချုပ် သစ်ထပ်မံချုပ်ဆိုရန် ကမ်းလှမ်းခဲ့ခြင်းဖြစ်သည်။

လက်ရှိအချိန်တွင် နေမာအနေဖြင့် အသင်းနှင့်အတူ လေ့ကျင့်ရေးအစီအစဉ်များ ပြန်လည်ပါဝင် လုပ်ကိုင်နေသော်လည်း နည်းပြအန်းနရစ်အနေဖြင့် လက်ရွေးစင်အသင်းအတွက် ကစားပေးထားခဲ့သည့်အခြေ အနေများကြောင့် နားရက်ခွင့်သတ်မှတ်ပေးထားခဲ့သည်။

အသင်းတာဝန်ရှိသူများသည် နေမာအား သက်တမ်းတိုးစာချုပ်ချုပ် ဆိုရန်ကမ်းလှမ်းခဲ့သည့်အပြင် လစာငွေပါ တိုးမြှင့်ပေးရန်စီစဉ်နေကြောင်းလည်း သတင်းများထွက်ပေါ်လျက်ရှိနေသည်။

Credit to >>>Yangon media Group

Read 784 times